BSE Odisha Class 6 Geography Solutions Chapter 6(e)
ଆଣ୍ଟାର୍କଟିକା
୧। ନିମ୍ନ ପ୍ରଶ୍ନଗୁଡ଼ିକର ଉତ୍ତର ଦିଅ।
(କ) କ୍ଷେତ୍ରଫଳ ଦୃଷ୍ଟିରୁ ଆଣ୍ଟାର୍କଟିକା ପୃଥିବୀରେ କେଉଁ ସ୍ଥାନରେ ରହିଛି ?
କ୍ଷେତ୍ରଫଳ ଦୃଷ୍ଟିରୁ ଆଣ୍ଟାର୍କଟିକା ପୃଥିବୀରେ ପଞ୍ଚମ ସ୍ଥାନରେ ରହିଛି।
(ଖ) ଭାରତଦ୍ବାରା ଆଣ୍ଟାର୍କଟିକାରେ ପ୍ରତିଷ୍ଠିତ ଗବେଷଣାଗାର ଦୁଇଟିର ନାମ ଲେଖ।
ଭାରତଦ୍ବାରା ଆଣ୍ଟାର୍କଟିକାରେ ପ୍ରତିଷ୍ଠିତ ଗବେଷଣାଗାର ଦୁଇଟିର ନାମ ହେଲା – ଦକ୍ଷିଣ ଗଙ୍ଗୋତ୍ରୀ ଏବଂ ମୈତ୍ରୀ।
(ଗ) ଏହି ମହାଦେଶ କେଉଁ ଦୁଇଟି ମୁଖ୍ୟ ଅକ୍ଷାଂଶ ମଧ୍ଯରେ ଅବସ୍ଥିତ?
ଏହି ମହାଦେଶ ୬୬୧/୨ ଡିଗ୍ରୀ ଦକ୍ଷିଣ ଅକ୍ଷାଂଶ ଓ ଦକ୍ଷିଣ ମେରୁ ମଧ୍ୟରେ ଅବସ୍ଥିତ।
(ଘ) ଆଣ୍ଟାର୍କଟିକାକୁ କେଉଁ କେଉଁ ପ୍ରାକୃତିକ ବିଭାଗରେ ବିଭକ୍ତ କରାଯାଇଛି ?
ପ୍ରାକୃତିକ ଗଠନ ଦୃଷ୍ଟିରୁ ଆଣ୍ଟାର୍କଟିକା ଦୁଇଭାଗରେ ବିଭକ୍ତ; ଯଥା— ପୂର୍ବ ଆଣ୍ଟାର୍କଟିକା ଓ ପଶ୍ଚିମ ଆଣ୍ଟାର୍କଟିକା।
(ଙ) ଆଣ୍ଟାର୍କଟିକାର ଜଳବାୟୁ କିଭଳି ?
ସମଗ୍ର ଆଣ୍ଟାର୍କଟିକା ମହାଦେଶରେ ବର୍ଷସାରା ଥଣ୍ଡା ଅନୁଭୂତ ହୁଏ। ଏହା ସବୁବେଳେ ବରଫାବୃତ ରହେ। ଆଣ୍ଟାର୍କଟିକାର ଭୋଷ୍ଟକ ପୃଥିବୀର ଶୀତଳତମ ସ୍ଥାନ। ଏଠାରେ ସର୍ବଦା ତୁଷାରପାତ ହୁଏ। ସମୟେ ସମୟେ ପ୍ରବଳ ବରଫଝଡ଼ ହୁଏ। ଏଠାରେ ଗ୍ରୀଷ୍ମକାଳ ସ୍ଵସ୍ଥାୟୀ।
୨। କାରଣ ଦର୍ଶାଅ।
(କ) ଆଣ୍ଟାର୍କଟିକାରେ ସ୍ଥାୟୀ ବାସିନ୍ଦା ନାହାନ୍ତି।
ଏହି ମହାଦେଶ ସବୁବେଳେ ବରଫାବୃତ ରହେ। ସର୍ବଦା ତୁଷାରପାତ ଓ ସମୟେ ସମୟେ ପ୍ରବଳ ବରଫଝଡ଼ ହେଉଥିବାରୁ ଏଠାରେ ସ୍ଥାୟୀ ବାସିନ୍ଦା ନାହାନ୍ତି।
(ଖ) ଆଣ୍ଟାର୍କଟିକାରେ ଅସ୍ଥାୟୀ ବସତି ଅଛି।
(୧) ପୃଥିବୀ ଓ ମହାକାଶ ସମ୍ବନ୍ଧୀୟ ଗବେଷଣା ପାଇଁ ଆଣ୍ଟାର୍କଟିକାରେ ବିଭିନ୍ନ ଦେଶ ଗବେଷଣାଗାରମାନ ସ୍ଥାପନ କରିଛନ୍ତି।
(୨) ଗବେଷଣା ଉଦ୍ଦେଶ୍ୟରେ ଯାଉଥିବା ଗବେଷକ ଓ ବୈଜ୍ଞାନିକମାନେ ସେଠାରେ ଅସ୍ଥାୟୀ ବସତି ସ୍ଥାପନ କରି ବସବାସ କରୁଥିବାରୁ ଆଣ୍ଟାର୍କଟିକାରେ ଅସ୍ଥାୟୀ ବସତି ଦେଖାଯାଏ।
(ଗ) ଆଣ୍ଟର୍କଟିକା ମହାଦେଶ ସମଗ୍ର ପୃଥିବୀର ସାର୍ବଜନୀନ ସମ୍ପତ୍ତି।
(୧) ଆନ୍ତର୍ଜାତୀୟ ଚୁକ୍ତିନାମା ଅନୁସାରେ ଆଣ୍ଟାର୍କଟିକା ମହାଦେଶକୁ କେହି ଅଧ୍ୟାର କରିପାରିବେ ନାହିଁ।
(୨) ପୃଥିବୀ ଓ ମହାକାଶ ସମ୍ବନ୍ଧୀୟ ଗବେଷଣା ପାଇଁ ବିଭିନ୍ନ ଦେଶ ଏଠାରେ ଗବେଷଣାଗାରମାନ ନିର୍ମାଣ କରିଛନ୍ତି। ତେଣୁ ଆଣ୍ଟାର୍କଟିକା ମହାଦେଶ ସମଗ୍ର ପୃଥିବୀର ଏକ ସାର୍ବଜନୀନ ସମ୍ପଭିରୂପେ ବିବେଚିତ ହେଉଛି।
0 Comments